Plantun de Prouvènço

Pèr coumpara dos planto d'encò nostre

Cerastium latifolium & Adonis aestivalis

Cerastium latifolium

Caryophyllaceae

Nom en français : Céraiste à larges feuilles.

Descripcioun :
Aquéu ceraiste trachis dins lis esboudèu e li roucaio d'auto mountagno ounte flouris emé si "gròssi" flour blanco i mes de juliet e d'avoust. Èi pas proun grand, mai fai de tijo souto terro prefoundo. La planto èi proun pelouso (mai pas li petalo), de cop que i'a pegouso, emé de fueio larjo e un pau cendrouso.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 10 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Cerastium
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 1,8 à 2,2 cm
Flourido : Estiéu

Sòu : Ca
Autour basso e auto : 2200 à 3000 m
Aparado : Noun
Juilet à avoust

Liò : Esboudèu - Pelouso roucaiouso
Estànci : Subaupen à Aupen
Couroulougi : Ouroufito-Cèntre-Éuropenco
Ref. sc. : Cerastium latifolium L., 1753

Roubisso(-d'estiéu)

Adonis aestivalis

Ranunculaceae

Nom en français : Adonis d'été.

Descripcioun :
Aquesto roubisso èi pas tant coumuno que sa cousino, Adonis annua. Se rescontro dins li meissoun dins li relarg un pau mountagnous de Prouvènço. La flour es un pau mai larjo, de coulour aranjo emé de petalo pu longo. La diferènci majo s'atrobo dins lis akène qu'an de cresto angulouso.

Usanço :
Coume tóuti li Ranunculaceae, es uno planto empouisounanto que caup de glucoside (adonidoside, adoniverdoside) que douno de proublèmo digestiéu, cardia e renau e podon peréu douna la mort emé arèst respiratiéu.

Port : Erbo
Taio : 15 à 80 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Adonis
Famiho : Ranunculaceae

Coulour de la flour : Aranjado
Petalo : >6
Ø (o loungour) flour : 2 à 4 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Champ de cerealo
Mai à juliet

Liò : Champ - Meissoun - Tepiero seco
Estànci : Mountagnard à Mountagnard
Couroulougi : Éurasiatico-Centre-Ouèst
Ref. sc. : Adonis aestivalis L., 1762

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cerastium latifolium & Adonis aestivalis

ges

Coumpara Ceraiste(-di-fueio-larjo) emé uno autro planto

Coumpara Roubisso(-d'estiéu) emé uno autro planto